ជាការពិតណាស់ មិនមានការវាយតម្លៃតែឯងណាមួយ ដើម្បីធ្វើរោគវិនិច្ឆ័យជំងឺធ្លាក់ទឹកចិត្តនោះទេ។ ✍ប៉ុន្តែគ្រូពេទ្យ របស់អ្នកអាចធ្វើការវិនិច្ឆ័យដោយផ្អែកលើ ការសាកសួរលំអិត ទៅលើបណ្តុំរោគសញ្ញា និងការវាយតម្លៃផ្លូវចិត្តរបស់អ្នក។
ក្នុងករណីជាច្រើន គ្រូពេទ្យនឹងធ្វើការសាកសួរបន្ថែមអំពី៖
អារម្មណ៍
ចំណង់អាហារ
លំនាំនៃការគេង
កម្រិតសកម្មភាពប្រចាំថ្ងៃ
ការគិត
ដោយសារតែជំងឺធ្លាក់ទឹកចិត្តអាចត្រូវបានផ្សារភ្ជាប់ទៅនឹងបញ្ហាសុខភាពផ្សេងទៀត គ្រូពេទ្យក៏អាចធ្វើការពិនិត្យរាងកាយ និងសុំអោយមានការពិនិត្យឈាមមួយចំនួនផងដែរ (ជួនកាលបញ្ហាក្រពេញទីរ៉ូអ៊ីត ឬកង្វះវីតាមីនដេ ក៏ អាចបង្កឱ្យមានរោគសញ្ញានៃជំងឺធ្លាក់ទឹកចិត្ត)។
វាជារឿងសំខាន់ដែលមិនត្រូវព្រងើយកន្តើយនឹងរោគសញ្ញានៃជំងឺធ្លាក់ទឹកចិត្ត នោះទេ។ ប្រសិនបើអារម្មណ៍របស់អ្នកមិនប្រសើរឡើង ឬកាន់តែអាក្រក់ ចូរស្វែងរកជំនួយពីគ្រូពេទ្យ។ ជំងឺធ្លាក់ទឹកចិត្តគឺជាជំងឺផ្លូវចិត្តធ្ងន់ធ្ងរដែលអាចផ្តល់ផលវិបាក ដល់បុគ្គលនឹងគ្រួសារទាំងមូល។
ប្រសិនបើទុកចោលមិនបានព្យាបាល ផលវិបាកអាចរួមបញ្ចូល ៖
ការឡើងទម្ងន់ ឬចុះទម្ងន់
ការឈឺចាប់រាងកាយ
ការប្រើប្រាស់សារធាតុញៀន
ភាពភ័យខ្លាច និងស្លន់ស្លោ
បញ្ហាទំនាក់ទំនងក្នុងសង្គម
ភាពឯកោរ
គំនិតធ្វើអត្តឃាត
ការធ្វើបាបខ្លួនឯង