ជំងឺថប់បារម្មណ៍ ជាជំងឺខួរក្បាលនិងផ្លូវចិត្ត ដែលប៉ះពាល់យ៉ាងខ្លាំង ទៅដល់ការគិត អារម្មណ៍ ទឹកចិត្ត រាងកាយ និងការរស់នៅប្រចាំថ្ងៃ របស់បុគ្គលនោះ។
រោគសញ្ញាញឹកញាប់ ជំងឺថប់បារម្មណ៍
សញ្ញាផ្លូវចិត្ត៖ តានតឹងចិត្ត/បារម្ភច្រើន/ស្លន់ស្លោរ/ស្រពិចស្រពិល/ភ័យខ្លាចឆ្កួត/ភ័យខ្លាចស្លាប់/ភ័យខ្លាចមិនអាចគ្រប់គ្រងខ្លួនឯងបាន។ល។
សញ្ញារាងកាយ៖ គេងមិនលក់/ញ័រដៃ/បែកញើសច្រើន/បេះដូងលោតញាប់/ឈឺក្បាល/វិលមុខ ធីងធោង/តឹង រោយសាច់ដុំ/ក្អួត ចង្អោរ/ដង្ហើមខ្លីៗ/ស្ពឹកខ្លួន ដៃជើង/ធ្វើទុក្ខក្រពះ ពោះវៀន។ល។
បណ្តុំនៃរោគសញ្ញាទាំង២នេះ បានប៉ះពាល់ដល់ ការរស់នៅប្រចាំថ្ងៃ ទំនាក់ទំនងសង្គម និង ជីវិតគ្រួសារ។
ប្រភេទជំងឺថប់បារម្មណ៍ ដែលកើតញឹកញាប់៖
ជំងឺថប់បារម្មណ៍ទូទៅ
បានការបារម្ភនិងភ័យខ្លាចខ្លាំងជាប្រចាំ
មានសញ្ញារាងកាយ ដូចបានរៀបរាប់ខាងលើ
ជំងឺស្រឺត
មានការស្លន់ស្លោរ ភ័យខ្លាចខ្លាំង ភ្លាមៗ
មានសញ្ញារាងកាយនិងសញ្ញាផ្លូវចិត្ត ដូចបានរៀបរាប់ខាងលើ
ជំងឺចាញ់ច្រាបគេ
ភ័យខ្លាច និងគេចវេស ពីការចូលរួមក្នុងសកម្មភាពសង្គមនានា
ខ្វល់ និង ភ័យខ្លាចខ្លាំង ពីការរិះគន់នានា
មានសញ្ញារាងកាយនិងសញ្ញាផ្លូវចិត្ត ដូចបានរៀបរាប់ខាងលើ
ជំងឺភ័យខ្លាចអាហ្គោរ៉ាផូបៀ
ភ័យខ្លាច និងគេចវេស ពីទីកន្លែងដែលពិបាកគេចចេញ ដូចជាកន្លែងមនុស្សច្រើន បន្ទប់បិទជិត……
មានសញ្ញារាងកាយនិងសញ្ញាផ្លូវចិត្ត ដូចបានរៀបរាប់ខាងលើ
ជំងឺមិនអស់មិនហើយ
តែងមានការគិតដដែលៗ សាំញាុំច្រើន ហើយអោយមានសកម្មភាពដដែលៗ ដើម្បីជំរះការបារម្ភដដែលៗរបស់ខ្លួន។ ដូចជា ចេះតែគិតថាដៃមានមេរោគ ហើយលាងដៃម្តងហើយម្តងទៀតដើម្បីអោយស្ងប់ចិត្ត។
តើការព្យាបាលណាខ្លះដែលអាចជួយបាន?
ការព្យាបាលបែបចិត្តសាស្ត្រ និងសំរាកចិត្តកាយ
អនុវត្តចង្វាក់ដង្ហើម
ការព្យាបាលដោយប្រឈមមុខនឹងការភ័យខ្លាច
ការគិតវិជ្ជមាន និងយល់ពីការពិត
ក្បួនក្នុងការដោះស្រាយបញ្ហា
ការព្យាបាលដោយឪសថ
សំរាប់អ្នកជំងឺថប់បារម្មណ៏ ដែលមិនធូរស្បើយជាមួយ ការព្យាបាលបែបចិត្តសាស្ត្រ
សំរាប់អ្នកជំងឺថប់បារម្មណ៏ ដែលមានរោគសញ្ញារាងកាយច្រើន